kii vafaa hamase to Gair use jafaa kahate hain | Mirza Assadullah Khan Galib

Ki vafaa hamase to Gair use jafaa kahate hain
hotii aai hai ke achchhon ko buraa kahate hain 
aaj ham apanii pareshaanii-e-Khaatir un se 
kahane jaate to hain, par dekhiye kyaa kahate hain 
agale vaqton ke hain ye log, inhein kuchh na kaho
jo may-o-naGmein ko andoharuubaa kahate hain 
dil mein aa jaa_e hai, hotii hai jo fursat Gash se
aur phir kaun se naale ko rasaa kahate hain? 
hai par-e-sarahad-e-idaraak se apanaa masjuud
qible ko, ahal-e-nazar, qiblaanumaa kahate hain 
paa-e-afagaar pe jab se tujhe raham aayaa hai
Khaar-e-raah ko tere ham mehr-e-giyaa kahate hain 
ik sharar dil mein hai, us se koi ghabaraayegaa kyaa
aag mataluub hai hamako, jo havaa kahate hain 
dekhiye laatii hai us shoKh kii naKhvat kyaa rang
us kii har baat pe ham naam-e-Khudaa kahate hain 
vahashat-o-sheftaa ab marsiyaa kahavein shaayad
mar gayaa "Ghalib"-e-aashuftaanavaa kahate hain
 


By: Mirza Assadullah Khan Galib




Popular Posts