Rone se aur ishq me.n bebaak ho gae

Rone se aur ishq men bebak ho gaye 
dhoe gaye ham aise ki bas pak ho gaye 

sarf-e-baha-e-mai hue alat-e-maikashi 

the ye hi do hisab so yon pak ho gaye 

rusava-e-dahar go hue avargi se tum 

bare tabiyaton ke to chalak ho gaye 

kahata hai kaun nala-e-bulbul ko beasar 

parde men gul ke lakh jigar chak ho gaye 

puchhe hai kya vajud-o-adam ahl-e-shauq ka 

ap apani ag se Khas-o-Khashak ho gaye

karane gaye the us se taGaful ka ham gila 

ki ek hi nigah ki bas Khak ho gaye 

is rang se uThai kal us ne 'Asad' ki nash 

dushman bhi jis ko dekh ke Gamnak ho gaye 

By: Mirza Assadullah Khan Galib


Popular Posts