Yeh Na thee Hamari Qismat K Wisaal E Yaar hota

Ye Na Thi Hamari Kismat k Wisaal e Yaar Hota
Agar Aur Jeete Rehte Yehi Intezaar Hota…
Tere Waade Pe Jiye Hum to Ye Jaan Jhoot Jana
Ke Khushi Se Mar Na Jaate Agar Aitbaar Hota…
Teri Nazuki Se Jana k Bandha Tha Ahd Bodha
Kabhi Tu Na Tor Sakta Agr Ustawar Hota…
Koi Mere Dil Se Pooche Tere Teer Neem Kash Ko
Ye Khalish Kahan Se Hoti Jo Jigar Ke Paar Hota…
Ye Kahan Ki Dosti Hai Ke Bane Hain Dost Naaseh
Koi Chara Saaz Hota Koi Gham Gusar Hota…
Rag e Sang Se Tapakta Wo Lahoo Ki Phir Na Thamta
Jise Gham Samajh Rahe Hoo, Ye Agar Sharrar Hota…
Gham Agarche Jangosil Hai, Pe Kahan Bachen Ke Dil Hai
Gham e Ishq Agar Na Hota, Gham-e-Rozgar Hota…
Kahoon Kis Se Main Ke Kya Hai, Shab e Gham Buri Bala Hai
Mujhe Kya Bura Tha Marna Agar Aik Baar Hota…
Hue Mar Ke Hum Jo Ruswa, Hue Kyun Na Gharq e Darya
Na Kabhi Janaza Uthta Na Kahin Mazaar Hota…
Ye Masail e Tasawwuf, Yeh Tera Bayaan Ghalib
Tujhe Hum Wali Samajhte Jo Na Bada Khwar Hota



By: Mirza Assadullah Khan Galib

Popular Posts