Kayi Saal Guzrey Kayi Saal Beetey | December Poetry

Kayii Saal Guzrey
Kayii Saal Beetey
Shab-o-Roz Ki Gardishon Ka Tasalsul
Dil-o-Jaan Mein Saanson Ki Partein Ultatey Huey
Zalzalon Ki Tarah Haanpta Hy
Cheekhtey Huey Khuwab
Aankhon Ki Nazuk Ragein Cheeltey Hain
Magar Main Har Ik Saal Ki Goud Mein
Jagti Subah Ko
Bey Karaan Chahton Se Atti Zindagi Ki Dua Dey Kar
Ab Tak Vohi Justaju Kar Raha Hoon
Safar Zindagi Hy
Safar Aagahi Hy
Safar Aabla Payii Ki Dastan Hy
Safar,Umer Bhar Ki Sulagti Hui Khuwahishon Ka Dhoowan Hy
Kayii Saal Guzrey..
Kayii Saal Beetey..
Musalsal Safar k Kham-o-Paich Mein
Saans Leti Hui Zindagi Thak Gayii Hy
k Jazbon Ki Geeli Zameenoo Mein
Boye Huey Roz-o-Shab Ki Har Ik Fasal Ab Pak Gayii Hy
Guzarta Hua Saal b Aakhrii Hichkiyaan Ley Raha Hy
Mery Paish-o-Pass
Khauf, Dehshat, Ajal,Barood Ki Mouj
Aabadian Nooch Kar Apney Jabrron Mein Jhakrri Hoi Zindagi Ko
Darindoo Ki Surat
Nigalney Ki Mashqon Mein Masroof Tar Hain
Har Ik Rasta, Maut Ki Rahguzar Hy
Guzarta Hua Saal Jaisy b Guzra
Magar Saal k Aakhri Din
Nihayet Kathin Hain
Har Ik Simt Laashon k Anbaar
Zakhmi Janazon Ki Lambii Qitarein
Kahan Tak Koi Dekh Paye?
Hawaon Mein Barood Ki Baas
Khud Aman Ki Noha Khuwan Hy
Koi Chara Gar, Asr-e-Hazir Ka Koi Maseeha Kahan Hy?
Mery Milney Walon
Naye Saal Ki Muskuratii Subah Gar Haath Aye
Tu Milna
k Jatay Hue Saal Ki Saaton Mein
Yeh Bujhta Hua Dil
Dharakta TuHy
Muskurata Nahi
December Mujhay Raas Aata Nahi......


Click To Read All December Poetry

Popular Posts