Koi Jazba Adhoora Reh Gaya Hy | December Poetry

Koi jazba adhoora reh geya hy
December aansu’on mein beh geya hy

Yeh dil khamosh ho kar reh geya hy
Najane aaj woh kya keh geya hy

Yeh aannkhain hain hamari kitni gehri
Samundar mein samundar beh geya hy

Tumhare sath wabasta tha sab kuch
Siwaye yaad k kya reh geya hy

Palat kar dekhne per hum ne jana
Dil-e-nadaan kya kya seh geya hy

Bohat bheerr hy bazaron mein lekin
Tera Arshad akela reh geya hy

Popular Posts