Raat Us Nay Poocha Tha Tum ko Kaisi Lagti Hy | December Poetry

Raat Uss ney Poocha tha
Tum ko Kaisi Lagti Hy
Chandni December ki....

Main ne Kehna Chaha Tha:
Saal-o-Maah ke Baarey mein
Guftagu ke Kya Maani 
Chahey koi Manzir ho
Dasht ho , Sumnadar ho
June ho , December ho
Dharkanoo'n ka Har Naghma
Manzaroo'n pe Bhaari hy
Saath Jab Tumhara Ho
Dil ko Ik Sahara ho
Aisa Lagta hy, jaise
Ik Nasha sa Taari hy

Lakin Uss ki Qurbat mein
Kuch Nahi Kaha Main ne
Takti Reh gayi Mujh ko
Chandni December ki....

Popular Posts