Hazaron Khvahishen aisi ki har Khvaish pe dam nikale | Mirza Galib

Hazaron Khvahishen aisi ki har Khvaish pe dam nikale 
bahut nikale mere armaN lekin phir bhi kam nikale 

Dare kyuN mera qatil kya rahega usaki gardan par 

vo KhuN jo chashm-e-tar se umr bhar yuN dam-ba-dam nikale 

nikalana Khuld se adam ka sunate aye hain lekin 

bahut be-abaru hokar tere kuche se ham nikale 

bharam khul jaye zalim tere qamat ki darazi ka 

agar is turra-e-purapech-o-Kham ka pech-o-Kham nikale 

magar likhavaye koi usako Khat to hamase likhavaye 

hui subah aur ghar se kan par rakkhar qalam nikale 

hui is daur men mansub mujhase bada-ashami 

phir aya vo zamana jo jahaN se jam-e-jam nikale 

hui jinase tavaqqo Khastagi ki dad pane ki 

vo hamase bhi ziyada Khasta-e-teG-e-sitam nikale 

muhabbat men nahin hai farq jine aur marane ka 

usi ko dekh kar jite hain jis kafir pe dam nikale 

zara kar jor sine par ki tir-e-pursitam nikale 

jo vo nikle to dil nikale jo dil nikale to dam nikale 

Khuda ke vaste parda na kabe se uTha zalim 

Kahin aisa na ho yaN bhi vahi kafir sanam nikale 

KahaN maiKhane ka daravaza 'Ghalib' aur kahaN vaiz 

par itana janate hain kal vo jata tha ke ham nikale

By: Mirza Assadullah Khan Galib


Popular Posts