TaskiN ko ham na roen jo zauq-e-nazar mile | Mirza Assadullah Khan Galib

TaskiN ko ham na roen jo zauq-e-nazar mile 
huraN-e-Khuld men teri surat magar mile

apani gali men mujh ko na kar dafn bad-e-qatl 
mere pate se Khalq ko kyon tera ghar mile

saqi gari ki sharm karo aj varna ham 
har shab piya hi karate hain mai jis qadar mile

tujh se to kuchh kalam nahin lekin ae nadim 
mera salam kahiyo agar namabar mile

tum ko bhi ham dikhaye ke majanuN ne kya kiya 
fursat kashakash-e-Gam-e-pinhaN se gar mile

lazim nahin ke Khijr ki ham pairavi karen 
mana ke ek buzurg hamen ham safar mile

ae sakanan-e-kucha-e-dildar dekhana 
tum ko kahin jo Ghalib-e-ashufta sar mile 

By: Mirza Assadullah Khan Galib


Popular Posts