Us bazm men mujhe nahin banati haya kiye | By: Mirza Assadullah Khan Galib

Us bazm men mujhe nahin banati haya kiye 
baiTha raha agarche ishare hua kiye

dil hi to hai siyasat-e-darbaN se Dar gaya 
main aur jauN dar se tere bin sada kiye

rakhata phiruN huN Khirqa-o-sajjada rahan-e-mai 
muddat hui hai davat-e-ab-o-hava kiye

besarfa hi guzarati hai, ho garche umr-e-Khizr 
hazarat bhi kal kahenge ki ham kya kiya kiye

maqadur ho to Khak se puchhuN ke ae laim 
tune vo ganj haye giraNmaya kya kiye

kis roz tohamaten na tarasha kiye adu 
kis din hamare sar pe na are chala kiye

sohabat men Gair ki na paDi ho kahin ye Khu 
dene laga hai bose baGair iltija kiye

zid ki hai aur bat magar Khu buri nahin 
bhule se us ne saikaDon vade-vafa kiye

'Ghalib' tumhin kaho ki milega javab kya 
mana ki tum kaha kiye aur vo suna kiye 

By: Mirza Assadullah Khan Galib



Popular Posts