Vo ake Khvab men taskin-e-iztirab to de | Mirza Assadullah Khan Galib

Vo ake Khvab men taskin-e-iztirab to de 
vale mujhe tapish-e-dil majal-e-Khwab to de

kare hai qatl lagavaT men tera ro dena 
teri tarah koi teG-e-nigah ko ab to de

dikhake jumbish-e-lab hi tamam kar hamako 
na de jo bosa to muNh se kahin javab to de

pila de oak se saqi jo hamase nafrat hai 
pyala gar nahin deta na de, sharab to de

'Asad' Khushi se mere hath paNv phul gae 
kaha jo us ne zara mere paNv dab to de 

By: Mirza Assadullah Khan Galib

Popular Posts