Ye jo ham hijr men divar-o-dar ko dekhate hain | Mirza Assadullah Khan Galib

Ye jo ham hijr men divar-o-dar ko dekhate hain 
kabhi saba ko kabhi namabar ko dekhate hain

vo aye ghar men hamare Khuda ki kudarat hai 
kabhi ham un ko kabhi apane ghar ko dekhate hain

nazar lage na kahin usake dast-o-bazu ko 
ye log kyon mere zaKhm-e-jigar ko dekhate hain

tere javahir-e-tarf-e-kulah ko kya dekhen 
ham auj-e-tala-e-lal-o-guhar ko dekhate hain 

By: Mirza Assadullah Khan Galib

Popular Posts